نظام أليفك الغذائي دراي فود للكلاب؟

16 مارس نظام أليفك الغذائي دراي فود للكلاب؟

صحة كلبك شيء في قمة الأهمية، ومن العوامل الأساسية لصحته هي غذائه. إنك توصل لأحسن نظام غذائي يناسبه أمر صعب، احنا عارفين. مش بس في أنواع كتير تختار منها، كمان أبسط الأسئلة زي تأكل كلبكك دراي ولا ويت فود.
هنا بنقدملك ملخص عن الدراي فود.

مميزات الدراي فود للكلاب

• صحة الأسنان: الأكل الدراي بيحافظ على صحة أسنان كلبك عن طريق تشجيعه عى مضغ الأكل وده بيمنع تراكم الجير وبيحمي من أمراض كتير
• البساطة: أغلب أنواع الدراي بتوفر إرشادات تغذية على العبوة على حسب وزن الكلب
• أسهل في التحضير: تقدر تحضر وتقسم وجبات كلبك مسبقا من غير خوف إن الأكل يبوظ
• صلاحية طويلة: الدراي بيعيش على الرف لفترات من غير الحاجة لتبريده أو خوف إنه يبوظ
• كثرة الاختيارات: في أنواع كتير من الدراي تختار منها على حسب احتياجات كلبك الغذائية وميزانيتك، بالإضافة لاختيارات مخصصة حسب العمر والمواد الغذائية اللازمة
• اقتصادي:على وجه العموم، الأنظمة الغذائية القايمة على الدراي بتكون أرخص
• سهولة التنقل: مناسب جدا لأصحاب الكلاب اللي حياتهم دايمة فيها حركة أو سفر
• النظافة: حتي لو كلبك بيحب اللغوصة وبيبهدل المكان وهو بياكل، الدراي ممكن يتكنس بكل سهولة

إيه اللي تدور عليه وإنت بتختار الدراي فود؟

• -بروتين حيواني محدد
• -مطحون بروتين حيواني إضافي إذا كان أول مكون لحم طازج
• -تاريخ صلاحية على بعد 6 شهور على الأقل
• -الخضار والفواكه والحبوب

إيه اللي تتجنبه وإنت بتختار الدراي فود؟

• -الألوان أو النكهات أو المواد الحافظة الاصطناعية (مثل BHA و BHT و ethoxyquin)
• -المحليات المضافة
• -مصدر “عام” للحوم أو الدهون
• -مشتقات اللحوم أو الدواجن

To buy dry food that fits these criteria visit our website here.