11 أبريل رمل الخشب vs رمل الكربون للقطط

المحتوى

• رمل الخشب للقطط
  • إيه هو رمل الخشب؟
  • بيشتغل إزاي؟
  • التنظيف والتغيير
• رمل الكربون
  • إيه هو رمل الكربون؟
  • بيشتغل إزاي؟
  • التنظيف والتغيير

في أنواع كتير من رمل القطط في الأسواق حاليا، أنهي أحسن نوع تستخدمه لقطك؟

أكتر نوعين مستخدمين هما رمل الخشب ورمل الكربون/البنتونيت. عشان نسهل عليك الاختيار، دي مقارنة بين النوعين.

رمل الخشب للقطط

إيه هو رمل الخشب؟

رمل الخشب مصنوع من نشارة خشب مضغوطة في شكل حبيبات، غالبا من خشب الصنوبر. ممكن استخدام أنواع خشب تانية بس خشب الصنوبر بيضيف للرملة ريحة طبيعية بتغطي على ريحة فضلات القطط بدون استخدام مواد كيميائية.

بيشتغل إزاي؟

عشان الخشب خامة ماصة، ده بيخليه رمل قطط فعال. رمل الخشب بيمتص بول القطط زي أي نوع رمل قطط وبيمتص معاه الروايح.

حبيبات الخشب بتتحول لنشارة لما تمتص البول. النشاره بتستقر في الليتر بوكس (صندوق الفضلات) من تحت، فبتفضل الحبيبات الغير مستخدمة على الوش. رمل الخشب مش بيمتص الفضلات الصلبة لكن دي بتفضل فوق الرمل وريحة الخشب الطبيعية بتغطي على ريحتها.

التنظيف والتغيير

نظف رمل الخشب بالجاروف يوميا عشان تشيل أي فضلات وغير الرمل لما يستخدم أغلبه حوالي كل أسبوعين. هتحتاج جاروف لإزالة الفضلات، وممكن تجيب ليتر بوكس بمصفى عشان تسهل التنظيف بحيث هتحتاج تفضي جزء تجميع النشارة مش البوكس كله.

رمل الكربون

إيه هو رمل الكربون؟

رمل الكربون أو البنتونيت المتكتل المستخدم حاليا هو نسخة أحدث من رمل القطط الطيني. هو مصنوع من حبيبات طين صغيرة بتتكتل لما تتعرض لرطوبة، ده بيسهل تنظيف رمل القطط من غير ما تفضي الليتر بوكس بالكامل.

النوع ده من رمل القطط من غير ريحة طبيعية فممكن يسبب روايح، عشان كدة متوفر منه أنواع بروايح مختلفة عشان تغطي على ريحة الفضلات. للأسف الروايح دي ممكن تكون كيميائية ومصنعة. رمل الكربون غالبا القطط مش بترفضه لإنه يعتبر مكان طبيعي بالنسبة لهم لقضاء حاجتهم.

بيشتغل إزاي؟

المكون الأساسي لرمل الكربون هو طين البنتونيت المفتت لأجزاء صغيرة. لما تتعرض أجزاء طين البنتونيت للسوائل بتمتصها وبتتكتل، اللي إدا رمل الكربون اسم الرمل المتكتل.

التنظيف والتغيير

نضف الليتر بوكس بإنك تشيل الكتل بالجاروف والرمل السايب هينزل تاني في الليتر بوكس. مش محتاج نوع ليتر بوكس أو جاروف معين لده. لكن تنضيف النوع ده من الرمل بيعمل شويه تراب. رمل الكربون ممكن يفضل معاك فترة طويلة حتى مع التنضيف المستمر.

رمل الكربون يفضل إنه يتنضف يوميا لو عندك أكتر من قط، لو قط واحد ممكن كل يومين.

ينصح إنك تفضي الليتر بوكس وتغسله وتحط رمل جديد كل أسبوعين. فضي الليتر بوكس بالكامل وإنت بتغير الرمل. رمل الكربون أو الرمل المتكتل ممكن يلزق في الليتر بوكس من تحت لإنه بيلزق في بعضه. نضف الليتر بوكس بالماية والصابون ونشفه وحط فيه رمل نضيف جديد.

عشان تشتري أنواع مختلفة من رمل القطط ممكن تزور موقعنا هنا